விலகாத மர்மம் : அமிலியா எர்ஹர்ட்டின் கடைசி டிரான்ஸ்மிஷன்..!

சில புதிர்களும், மர்மங்களும் எத்தனை ஆண்டுகள் கழிந்தாலும் சூடான விவாதத்திற்கு உள்ளாகி கொண்டே தான் இருக்கும். அப்படியான ஒரு மர்மம் தான் - அமிலியா எர்ஹர்ட்டின் கடைசி டிரான்ஸ்மிஷன் (Amelia Earhart's last transmission)..!

பசிபிக் தீவான நிகுமரோரோவில் (Nikumaroro) மாயமாய் போன அமிலியா எர்ஹார்ட்டின் விமானத்தின் அறிகுறிகள் கிடைக்கிறதா என்று தேட 500,000 டாலர்கள் செலவில் திட்டம் ஒன்று தயாராக இருக்கிறது..!

 

முதல் பெண் :

 அட்லாண்டிக் கடலை தனியாக விமானத்தில் பறந்து கடந்த முதல் பெண் - அமிலியா எர்ஹார்ட்..!

 

முயற்சியின் போது :

ஒரு இரட்டை என்ஜின் லாக்ஹீட் எலெக்ட்ரா விமானம் மூலம் உலகை சுற்றிவரும் தனது முயற்சியின் போது மாலுமி ஃபிரெட் நூனன் உடன் ஜூலை 2 , 1937-ஆம் ஆண்டு மாயமானார்.

 

எரிபொருள் :

பெரும்பாலானோர்கள் பரந்த பசிபிக் பெருங்கடலை கடக்கும் அளவு எரிபொருள் இல்லாத காரணத்தினால் விமானம் கடலில் விழுந்து விபத்துக்குள்ளாகி இருக்கலாம் என்கின்றனர்.

 

பவழப்பாறை மீது :

ஆனால், உயர்நிலை பள்ளியின் அறிவியல் ஆசிரியர் ஒருவர் எர்ஹர்ட்டின் விமானம், மார்ஷல் எனும் தீவின் மிலி என்ற பவழப்பாறை மீது விழுந்து நொறுங்கியது என்று தனது சொந்த கோட்பாட்டை முன்வைக்கிறார்.

 

சிறு அலுமினிய கவர் :

பார்க்கர் வான்வெளி குழுவின் ஆராய்ச்சியாளர்கள் மிலி பவழப்பாறைக்கு பயணித்து நடத்திய ஆய்வில் அங்கு ஒரு சிறு அலுமினிய கவர் மற்றும் தரை இறங்க உதவும் கியரின் பகுதி ஒன்றும் கண்டுப்பிடிக்கப்பட்டுள்ளது.

 

பல்வேறு சிக்கல் :

அமிலியா எர்ஹர்ட்டின் துரதிஷ்டமான பயணத்தின் போது, விமானத்தின் ரேடியோ தொடர்பில் பல்வேறு சிக்கல்கள் இருந்ததால் அவரை பெரும்பாலும் தொடர்பு கொள்ள முடியாது போனது.

 

ரேடியோ ஆண்டெனா :

சரியாக 19 மணி நேரம் கழித்து அவரை கடலோர காவல்படையால் தொடர்பு கொள்ள முடியாமல் போனதற்கு காரணமாக விமானத்தின் டேக்-ஆப்பின் போது ரேடியோ ஆண்டெனாவில் ஏற்பட்ட பாதிப்பாக இருக்கலாம் என்றும் கருதப்படுகிறது.

 

கடைசி ட்ரான்ஸ்மிஷன் :

 "நாங்கள் சுற்றி வருகிறோம் ஆனால் தீவை பார்க்க முடியவில்லை, நீங்கள் சொல்வதும் கேட்கவில்லை" என்று அவர் கூறிய கடைசி ட்ரான்ஸ்மிஷன் பதிவாகியுள்ளது.

 

தேடல் :

 எர்ஹாட், கடல் மட்டத்தில் இருந்து சுமார் 1000 அடி உயரத்தில் தான் பறந்துள்ளார் என்பதும், கடைசி டிரான்ஸ்மிஷன் கிடைக்கபெற்ற இடத்தை சுற்றிலும் எவ்வளவு தேடல் மேற்கொள்ளப்பட்டும் விமானம் எதுவும் கிடைக்கப் பெறவில்லை என்பதும் குறிப்பிடத்தக்கது.

 

குற்றம் :

விமானத்தில் அவருடன் பயணித்த ஃபிரெட் நூனனின் தவறான நேவிகேஷன் தான் விமானம் மாயமானதிற்கு காரணம் என்றும் சில கோட்பாடுகள் குற்றம் சாட்டுகின்றன.

சித்திரவதை :

 சில கோட்பாடுகள் அவர் ஜப்பானியர்கள் மூலம் கைப்பற்றப்பட்டு, உளவாளியாக்கப்பட்டு இறக்கும் வரை சித்திரவதை செய்யப்பட்டார் என்கிறது.