சூப்பர்நோவா வெடிப்பு : பூமி மீது கதிரியக்க உலோகத்தை 'கொட்டும்'..!

பெரிய விண்மீன்கள் உள்ளிருக்கும் எரிபொருள் எரிந்து தீர்ந்தபின், மாபெரும் அளவில் ஒளியாற்றலை வீசி, பேரொளியுடன் வெடித்து சிதறும் அதை தான் மீயொளிர் விண்மீன் வெடிப்பு (supernova explosion) என்பார்கள்..!

' விண்வெளி வரலாற்றிலேயே இதுதான் முதல் முறை.. 'சூப்பர்நோவா' வெடிப்பை பதிவுசெய்யப்பட்டது '

அப்படியான, ஒரு சூப்பர்நோவா வெடிப்பானது பூமியின் அருகாமையில் நிகழ்ந்துள்ளது மேலும் அந்த வெடிப்பின் மூலம் பூமி மீது கதிரியக்க உலோகம் பொழியப்படுகிறது என்பதும் கண்டறியப்பட்டுள்ளது..! 

கதிரியக்க குப்பை : 

இரண்டு வாரங்களுக்கு முன்பு ஆராய்ச்சியாளர்கள் நமது கடல்களின் அடிப்பகுதியில் இருந்து, தொடர்ச்சியான கதிரியக்க குப்பைகளை கண்டறிந்துள்ளனர். 

வெடிப்பில் இருந்து வெளியானவை : 

அந்த கதிரியக்க குப்பைகள், ஒரு பெரிய சூப்பர்நோவா விண்மீன் வெடிப்பில் இருந்து வெளியானவை என்று கண்டுப்பிடிக்கப்பட்டுள்ளது. 

மழையாய் பெய்கிறது : 

நட்சத்திர வெடிப்பு ஏற்பட்டு துண்டுகளாகி இன்று வரையிலாக பூமியில் மழையாய் பொழிகிறது என்பதற்கான புதிய சான்றாக இது கருதப்படுகிறது.

1.7 - 3.2 மில்லியன் ஆண்டுகள் : 

வெடிப்புக்கு உள்ளான நட்சத்திரம் ஆனது 1.7 - 3.2 மில்லியன் ஆண்டுகள் முன்பே உருவாகி இருக்கலாம் என்றும் கணிக்கப்பட்டுள்ளது. 

பூமி அருகாமை :

இந்த சூப்பர்நோவா வெடிப்பானது பூமியின் மிக அருகாமையில் நிகழ்ந்துள்ளது என்பதை நாசாவின் எசிஇ விண்கலத்தின் (NASA's ACE spacecraft) உதவிடன் ஆராச்சியாளர்கள் கண்டுப்பிடித்துள்ளனர். 

அரிய வகை :

மேலும் வெடிப்பில் இருந்து பூமி மீது பொழியப்படும் உலோகம் ஆனது இரும்பு -60 (Iron-60) எனப்படும் அரிய வகை கதிரியக்க உலோகம் என்றும் சந்தேகிக்கப்படுகிறது. 

விளக்கம் : 

இரண்டாவதாக நிகழ்ந்த நட்சத்திர வெடிப்பானது, முதல் வெடிப்பில் இருந்து சிதைந்த குப்பைகளை துரிதப்படுத்தி பூமி மேல் பொழிய வைத்துள்ளதாக விஞ்ஞானிகள் விளக்கம் அளித்துள்ளனர். 

நிலவிலும் : 

அரிய வகை உலோகமான இரும்பு-60ஆனது பூமியின் கடல் நிலத்தடி பரப்பில் மட்டுமின்றி நிலவிலும் கண்டுபிடிக்கப்பட்டுள்ளது என்பது குறிப்பிடத்தக்கது.

விண்வெளி ஆய்வு : 

இரும்பு-60 மூலம், சுமார் 1.7 மில்லியன் ஆண்டுகள் முதல் 3.2 மில்லியன் ஆண்டுகளுக்கு முன்பான விண்வெளி ஆய்வுகளில் ஈடுபட உதவும்.

ஸ்கார்பியஸ்-சென்டௌரஸ் : 

பூமியில் இருந்து சுமார் 380 ஒளியாண்டுகள் தொலைவில் இருக்கும் ஸ்கார்பியஸ்-சென்டௌரஸ் நட்சத்திர கொத்தில் (Scorpius-Centaurus Association star cluster) இருக்கும் நட்சத்திரங்கள் இந்த சூப்பர்நோவா வெடிப்பை நிகழ்த்தி இருக்கலாம் என்றும் கணிக்கப்பட்டுள்ளது. 

அச்சம் :

கடந்த சில மில்லியன் ஆண்டுகளில், பூமி கிரகத்தின் அருகே பல சூப்பர்நோவா வெடிப்புகள் நிகழ்ந்துள்ளன அதனால் இதை நினைத்து அச்சம் கொள்ளத்தேவையில்லை என்றும் விஞ்ஞானிகள் கருத்து கூறியுள்ளனர்.

'குண்டு' வீச்சுத் தாக்குதல் : 

மேலும் நமது பூமியில் காலநிலையை குழப்பக்கூடிய நிலையான 'குண்டு' வீச்சுத் தாக்குதலில் சூப்பர்நோவா ஈடுபடும். சூப்பர்நோவா வெடிப்பை தவிர நாம் எதையும் கணக்கில் எடுத்துக்கொள்ள வேண்டாம் என்றும் விஞ்ஞானிகள் தெரிவித்துள்ளனர். 

மரணம் :

பூமி கிரகத்தை போலவே விண்வெளியில் இருக்கும் அத்துணை பொருட்களுக்கும் மரணம் உண்டு, முதன்மையாக நட்சத்திரங்கள் என்று அழைக்கப்படும் எரிபந்துகள். 

எரிபந்து : 

அம்மாதிரியான எரிபந்துகளின் வெடிப்பை தான் சூப்பர் நோவா என்கிறர்கள். சூப்பர்நோவா வெடிப்பு - இரண்டு வகைப்படும், அருகாமை நட்சத்திரங்களை ஈர்ப்பதால் நிகழும் அல்லது ஒரு நட்சத்திரத்தின் ஆயுட்கலாம் முடிவின்போது நிகழும்.